Les mots surlignés font l'objet d'une note
1Sire, par ma dernière despeche, jey adverty votre magesté que ceulx de
2Pragela nous donnoyent bonnes paroles, mays que il estoyt bien à craindre
3que voyant leur advantage, ilz changeroyent de langage ; et à la verité,
4ayant les comis de ce pais envoye achetter des bledz en Piedmont,
5on ma adverti quilz sont refusans de les laysser passer par leur
6valée, dautant que, et en icele et d'Angrongne et autres voysines,
7on a levé de sinc à six cent hommes qui veullent passer
8en Daulphiné. Monsieur d'Embrun y met tout lordre quil est possible
9pour deffendre le passage avecques les forces quil a
10assemblées là hault, qui fut esté mal aysé à autre que à luy
11den recouvrer sy bon nombre, quil a faict car certeynement,
12sire, il y est aymé et respetté.
13Sire, voyant lennemy se renforcer, je recours à tous ceulx
14de quelz je pence estre secoru et entre autres de monsieur
15de Mandelot, mays, ne ayant poynt de compagnie de gendarmes
16à luy, ni en son gouvernement, syl pleysoyt à votre
17magesté luy commander de lever le ban et arrière ban de
18Lyonnoys, Foresz et Beaujolloys, jen pourroys estre secoru autrement
19et se renforçant les rebeles comme ilz font, je ne les
20pourray garder de seslargir au plat païs et diceluy ruyner
21comme depuis troys jours ilz ont faict dung petit lieu appellé
22Manas qui navoyt volu recevoyr la garnison de XII soldatz
23catholisé, les rebeles sen redirent mestres
25Sire